Mambo  
 
ཉེ་བའི་རྩོམ་གསར།
ཀློག་ཐེངས་མང་བའི་རྩོམ་ཡིག
   
འདེམས་ཐོ་གཙོ་བོ།
གཞིས་ཁྱིམ།
གློག་རྡུལ་དཔེ་དེབ།(གསར)
སྣ་ཚོགས་དྲ་ཚིགས།
དཔེ་དོན་གསར་འགྱུར།
ང་ཚོར་འབྲེལ་གཏུགས།
དཔེ་ཆ་ཡོད་ཚད།
འཚོལ།
རྒྱུན་མཐོང་གི་དྲི་བ་དྲི་ལན།
དྲ་བ་ལས་དཔེ་ཆ་ཀློག་པ།
ཚིག་མཛོད།
ངོས་འཛིན་སློབ་དེབ།
ཆོས་འབྱུང་ལོ་རྒྱུས།
དཔྱད་རྩོམ་ཕྱོགས་བསྡུས།
དུས་དེབ་དང་ཚགས་པར།
སློབ་དེབ།
དཔེ་དོན་གསར་འགྱུར།
སྒྲིག་བསྒྱུར།
ལེགས་རྩོམ་དཔྱིད་ཀྱི་དགའ་ཚལ།
བསམ་བློ་རིག་གནས།
འཚོ་བའི་རྒྱུན་ཤེས།
སྙན་དེབ།
པར་རིས་ཀློག་འདོན།
ཡིག་གཟུགས་མ་ཕྱི།
སུམ་རྟགས་དང་བརྡ་སྤྲོད།
རང་བྱུང་ཚན་རིག
དམངས་སྲོལ།
གནས་བཤད།
བརྩམས་སྒྲུང་།
མགུར་གླུ
ནང་བསྟན།
བོན།
རྩོམ་སྒྲིག་ཤེས་བྱ་ལེགས་བཏུས།
འབོལ་རྩོམ།
Administrator
Adobe Acrobat Readerལེན་པ།
网页显示帮助
ཝེ་ཁེ་རིག་མཛོད་ཆེན་མོ།
རིག་གནས་ཀན་སུའུ་དྲ་བ།
བོད་ཀྱི་འཕྲོད་བསྟེན་དྲ་བ།
སྦྲེལ་མཐུད།
ནང་འཛུལ་རེའུ་མིག





གསང་ཚིག་བརྗེད་སོང་།
རྩིས་ཐོ་མེད་དམ། མྱུར་དུ་ཐོ་འགོད་བྱེད།
འདོད་པའི་བསྟན་བཅོས། དགེ་འདུན་ཆོས་འཕེལ།
འགྲུལ་པའི་གདེངས་འཇོག་སྐར།: / 788
ཞན།བཟང་། 
རྩོམ་པ་པོ། རྡོ་འབུམ།   
2008-09-04
འཕྲལ་བསྒྱུར།
འདོད་པའི་བསྟན་བཅོས། དགེ་འདུན་ཆོས་འཕེལ།
ཤོག་ངོས། 2
ཤོག་ངོས། 3
ཤོག་ངོས། 4
ཤོག་ངོས། 5
ཤོག་ངོས། 6
ཤོག་ངོས། 7

འདས་དང་མ་འོངས་དག་ལ་མི་དཔྱོད་ཅིང་། །རྟག་ཏུ་སྒྱིད་ལུག་རྩེ་དགའི་ངང་དུ་སྡོད། །ཕོ་མཚན་འགྲེང་བའི་ཚེ་ན་སོར་དྲུག་ཙམ། །ནོར་བུའི་དབྱིབས་ནི་འཇམ་ཞིང་ཟླུམ་པ་ཉིད། །འཁྲིག་པ་མགྱོགས་ཤིང་ཁུ་བ་མྱུར་དུ་འབྱིན། །རྔུལ་ཆ་ཁུ་བ་དག་ལས་དྲི་ཞིམ་འབྱུང་། །ཞིང་ས་བཟང་ཞིང་སྐྱིད་པའི་ཡུལ་རྣམས་སུ། །རི་བོ་རིགས་ནི་མང་དུ་ཡོད་པ་ཡིན། །རི་དྭགས་རིགས་ནི་མིག་འབུར་ཕྲག་ཞེང་ཆེ། །སློབ་དཔོན་ལ་གུས་གཙང་སྦྲའི་ལས་ལ་དགའ། །ཤེས་རབ་རྣོ་ཞིང་འགྲོ་ཚེ་མཆོང་རྒྱུག་བྱེད། །རྟག་དུ་གླུ་ལེན་རྒྱན་གོས་བཟང་པོ་གྱོན། །བདེན་པར་སྨྲ་ཞིང་ལྟོ་འདོད་ཆེ་བ་སྟེ། །གྲོགས་པོ་རྣམས་ལ་རྟག་ཏུ་ཟས་མགྲོན་གཏོང་། །འདོམས་དང་མཆན་ཁུང་དག་ན་སྤུ་ཉུང་ཞིང་། །འདི་ཡི་སྐྱེས་པའི་དབང་པོ་སོར་བརྒྱད་ཙམ། །ཕལ་ཆེར་ས་སྟེང་ཡུལ་གྲུ་མ་ལུས་ན། །རི་དྭགས་རིགས་འདིའི་སྐྱེས་པ་མང་དུ་འོང་། །གླང་གི་རིགས་ནི་གཟུགས་ཆེ་བཞིན་མདངས་མཛེས། །རང་བཞིན་མི་བརྟན་ངོ་ཚ་ཆུང་བའི་རིགས། །གྲོགས་དང་མཐུན་པར་སླ་ཞིང་གྱེས་པར་སླ། །ཟས་མང་ཟ་ཞིང་གླུ་དང་གར་ལ་མཁས། །སྤྱོད་པ་འཆལ་ཞིང་འདོད་ཆགས་ཆེ་བ་སྟེ། །བུད་མེད་རྙེད་ཚེད་ཀུན་ལ་སྤྱོད་པར་བྱེད། །འདི་ཡི་སྐྱེས་པའི་དབང་པོ་སོར་བཅུ་ཙམ། །རྔུལ་ཆུ་ཁུ་བ་དག་ལས་དྲི་ངན་འབྱུང་། །ཕལ་ཆེར་རྒྱ་མཚོའི་འགྲམ་དང་ཐང་ཆེན་གྱི། །ཡུལ་གྲུ་དག་ན་རིགས་འདི་མང་དུ་མཆིས། །རྟ་ཡི་རིགས་ནི་རྒྱག་ཅིང་གཟུགས་རགས་ཆེ། །མདོག་ནག་རྐང་པ་རིང་ཞིང་མྱུར་དུ་འགྲོ། །ཁྲོས་པའི་ཉམས་ལྡན་ཁྲམ་དང་རྫུན་ལ་དགའ། །རྒན་གཞོན་ཁྱད་མེད་བུད་མེད་ཀུན་དང་འགྲོགས། །རིགས་འདི་ཧ་ཅང་ཆགས་པ་ཆེ་བ་སྟེ། །ཉན་ན་རང་གི་མ་སྲིང་ལ་ཡང་སྤྱོད། །ཉེ་བའི་གཉེན་དང་བླ་མའི་བུ་མོ་སོགས། །འོས་མ་ཡིན་པ་མཐའ་དག་བསྒྲོད་པར་བྱེད། །འཁྲིག་པ་ཅི་ཙམ་སྤྱད་ཀྱང་སྟོབས་མཆོར། །བུད་མེད་མེད་པར་ཞག་གཅིག་སྡོད་པའང་དཀའ། །ཕོ་མཚན་མཁྲེགས་ཤིང་ཤིན་ཏུ་སྦོམ་པ་སྟེ། །འགྲེང་བའི་ཚེ་ན་སོར་ནི་བཅུ་གཉིས་ཙམ། །ཁུ་བ་མང་ཞིང་དྲི་མ་ངན་པ་འབྱུང་། །ཡུལ་རྣམས་ཀུན་ན་རིགས་འདི་མང་མོད་ཀྱི། །འོན་ཀྱང་ཆར་ཆུ་དཀོན་ཅིང་ས་རྩུབ་པའི། །ཚ་བའི་ཡུལ་ན་ལྷག་པར་མང་བ་ཡིན། །དེ་ལྟར་བཤད་པའི་རིགས་ཀྱི་རྩ་བ་བཞི། །སླར་ཡང་རྒྱས་པར་དབྱེ་ན་བཅུ་དྲུག་སྟེ། 



ཉེ་བའི་བཟོ་བཅོས། ( 2008-09-17 )
 
< རྩོམ་ཡིག་གོང་མ།